Marsofine Krynauw 

Marsofine Krynauw

Vraag

Antwoord

Het jy ‘n bynaam?

Marso

Waar woon jy?

Windhoek, Namibië

Watter genre skryf jy in?

Liefdes verhale, avontuur en aksie

Waar het jy grootgeword en hoe het dit jou skryfwerk beïnvloed?

Ek het op Koekenaap, teen die Weskus op die rant van die Namakwaland groot geword.  Het grotendeel net met Afrikaans groot geword en my omgewing, die see, die blomme en ander elemente gebruik ek nog vandag as my inspirasie vir my skryfwerk.

Wanneer het jy eers begin skryf?

Ek het op 16 begin dig en eers ‘n paar maande gelede begin skryf.

Wat is jou nuutste boek en waaroor gaan dit?

Daar is twee – Die gemaskerde man – Leila se ouers is twee navorsers wat spesialiseer het op insekte en hul navorsing in die rëenwoude in Amerika gaan doen het toe sy nog ‘n klein dogterjie was.  Albei haar ouers sterf daar as gevolg van ‘n gif wat een van die insekte afskei wat nie bekend was aan hulle nie.  Sy word deur haar oppasser Idira, ‘n indiaanse vrou van die Awa-stam, geneem en grootgemaak soos haar eie dogter. Toe Leila het ‘n pragtige jongvrou geword, en toe sy ‘n tiener meisie was en saam met haar vriendinne in die woud gaan vrugte en bessies versamel, ontmoet sy daar die gemaskerde man.  Hulle raak verlief, wie is hy en hoe sal hy by die stam en haar moeder verby kom?

Bootreis na Barbados - Marisol en Zora is jare lange vriendinne wat nog altyd ‘n droom gehad het om ‘n Karibiese bootreis te doen, en dan gebeur dit, Zora ontvang ‘n e-pos van ‘n agent oor ‘n spesiale aanbod en dit is net die reis waarvan hulle nog altyd gedroom het. Puerto Rico, St Maarten, St Kitts & Nevis, Antigua, St Lucia, Barbados en terug na Puerto Rico. Geen moeilike besluit was dit vir hulle nie en voor jy weet was hulle op pad na San Juan van waar hul boot vertrek.  Die twee vroue trek ook gou op die skip hul kaptein se aandag met uitsonderlike skoonhede en word dan ook vir die Kapteins bal genooi om aan die kaptein se tafel te sit, maar nie voor Ben en Koert, twee ander vrygeselle hulle ook opgemerk het nie.  Tydens die Kapteins bal word die “Freedom of the Sea” beset deur seerowers onder aanvoering van die seerower kaptein, Stede Bonnet. Wat sal hulle lot nou wees – hoe het hulle droom vakansie so vinnige in ‘n nagmerrie ontaard?

Het jy enige boeke gepubliseer wat nie op Malherbe Uitgewers se site is nie, en wat is die boeke?

Nee

Wat beteken jou lesers vir jou?

Sonder lesers is daar geen rede vir ‘n skrywer om te skryf nie.  So my lesers is vir my die belangrikste mense.  Dit is belangrik om deur terugvoer van leser vas te stel wat hul behoefte is, waarvan hul in my werk gehou het en wat hulle nog daar wil raak lees.

Waarmee werk jy aan volgende?

Is tans besig met ‘n aksie verhaal en dan ‘n storie gebaseer op ‘n ware verhaal.

Wie is jou gunsteling skrywers?

Ena Murray, Audrey Blignaut van die vroeër skrywers en tans Franciska Mouton, Sonja Brown en Annelize Combrinck

As jy nie skryf nie, hoe spandeer jy jou tyd?

Ek hou van tuinmaak, hekel ook graag, is lief vir die natuur en buite lug en geniet my klein kinders.

Onthou jy die eerste storie wat jy ooit gelees het en die impak wat dit op jou gehad het?

Soekie en Loekie, dit was ‘n baie hartseer storie van ‘n boetie en sussie wat hul ouers verloor het en hoe hul in die weeshuis beland het en na ‘n lang tyd en baie ontbering eers weer aangeneem is.  Dit het my erg geraak omdat ek self sonder ‘n ma groot geword het.

Onthou jy die eerste storie wat jy ooit geskryf het?

Ja, omdat ek eers laas jaar begin skryf het, my eerste kortverhaal was Die ontsnapping – vele tronke en eerste volle verhaal – Die gemaskerde man.

Wat is jou skryfproses? Waar kry jy jou inspirasie vir ‘n storie?

Ek doen eers navorsing oor die agtergrond van my storie en versamel feite en dan kies ek my karakters se name en dan begin ek skryf.  Inspirasie vind ek soms in ‘n woord of frase wat ek lees, soms uit mense wat ek ken se lewens en soms uit my eie lewe.

Wat lees jy vir plesier en wie is jou gunsteling skrywer?

Poësie en net lekker verhale, soms liefde, soms aksie.  Ek het baie van die ou digters se werke, NP van Wyk Louw my gunsteling met Raka, maar ook baie van die ander.  Hedendaagse digters is lees ek graag Werner Wehmeyer, Barry Mouton en baie van die Malherbe Digtershuis digters se werke.  Skrywers soos bo genoem.

As jy direk met jou lesers kon gesels, wat sal jy aan hulle wil sê?

Eerstens dankie dat hul in hul kosbare vrye tyd my boek lees.  Gee asseblief terugvoer op die boek en wat jy van gehou het en wat jy dink dalk mag kort kom.

 

This email address is being protected from spambots. You need JavaScript enabled to view it.